Vawiin khan Zawlnuam Bawrai Community Hall-ah MZP Hqrs Zawlnuam  hmalaknain HSLC leh HSSLC titha-te chawimawi hun hman a ni a. Pu Lalrinmawia Ralte, Hachhek bialtu MLA, Political Adviser to CM ni bawk chuan khuallian niin he hun hi a hmanpui.
Khuallian chuan thu sawiin All India Service, Central Service, Civil Service bakah Combined exam-ah nasa taka rilru pe tur leh tum mumal tak nei chunga ngaihtuahna hmang turin zirlai Pass tharte a chah a. Ram leh hnam, Hachhek tlangdung, Langkaih Valley chawisang a, nu leh pa chawimawitu ni zel turin zirlaite chu tang fan fan turin a chah a ni.
Vawiina Zawlnuam MZP Hqrs-in an chawimawite hi HSLC-ah zirlai 51 leh HSSLC-ah mi 35-te an ni.
Vawiin Zirlai tithate chawimawina hun hi Edwin Lalrinnunga Ralte, President, MZP Hqrs Zawlnuam-in kaihruaiin MZP General Headquarters atangin an Vice President Pu B.Vanlaltana bakah MZP mi leh sa mi panga-in an tawiawm a ni.

Attachment

  • Loading attachment...