760/2026-2027 

Aizawl the 29th May, 2026: Aizawl khawpui hmun hrang hrangah mipui kea kalte him zawk nan leh traffic enkawlna a felfai theih zawk nan Zebra Crossing-te Siam a ni a. The Motor Vehicles (Driving) Regulations, 2017 Rule No. 9 leh 22 (iv)-in a sawi angin Lirthei khalhtuten Zebra Crossing thlen dawnin fimkhur taka tlan muana, kawng kan turte tana a hlauhawm leh hlauhawm loh enlawk thin tur a ni.

Zebra Crossing-ah hian lirthei din phal a ni lova, hei hian traffic jam laia din pawh huam vekin pick & drop te, bungrua load leh unload chhungte pawh a huam vek a ni.

June ni 1, 2026 atangin Aizawl Traffic Police-te chuan Zebra Crossing kaihhnawiha dan bawhchhiate lakah na zawkin hma a la ang. Dan bawhchhiate hi The Motor Vehicles (Amendment) Act, 2019 Section 177 & 184 angin hrem theih an ni.

Kea kalte pawh kawng kan dawna fimkhur taka kawngpuite enchiang hmasa thin turin kan inngen a ni.