Assam Rifles in a tirh, Mizoram atanga National Integration Tour a Delhi-a kal zirlai 18 leh zirtirtu 2 tel na chuan January ni 23 khan Mizoram chhuahsanin, India President Pu Ramnath Kovind chu January ni 30 khan Rastrapati Bhavan-ah hmu in inkawmna hun an hmang a. Tour team te chuan India hmun hlui pawimawh tak takte tlawhin, Republic Day Parade chhim bawkin, Republic day puala ralthuam chhawpchhuah hrang hrangte enpui a Parade ground, New Delhi ah Tank ride neihpui an ni. Tour team te hian Pu Kiren Rijiju, Minister of State for Home Affairs nen inkawmna hun an hmang bawk.

He tour hi zirlai Mizoram kiltin atanga thlan chhuahten India ram an hriatchian lehzual nan leh zirna leh eizawnna kawngah pawh hma an sawn pui ngei theih nan a buatsaih a ni a. He tour a kalte hi 32ND Captain NM Gupta Football Tournament, Silchara neih chu Assam Rifles team leh defending champion Mizoram Team te inkhel chu enpui an ni.