Kum 2012-2013 academic session atana Indian Institute of Mass Communication (IIMC) zir tum zirlai 4000 vel chuan May ni 21 (thawhtanni) khan entrance exam an bei.

All India Entrance examination hi IIMC-in Post-Graduate Diploma course hrang hrang - Journalism (English), Journalism (Hindi), Radio and Television Journalism, Advertising and Public Relations leh Journalism (Oriya) a pek a zir tura paltlang ngei ngai ni a. Entrance exam hi India rama exam centre Aizawl tiamin centre 15-ah a rualin beih a ni a. Aizawl-ah pawh Information and Public Relations Department Conference hall-ah neih niin zirlai 5 in exam hi an pe a ni. Exam beitu zirlai 4,000 velte hian Journalism (English) a seat 184, Journalism (Hindi) –a seat 62, Radio and Television Journalism a seat 42, Advertising and Public Relations-a seat 70 leh Journalism (Oriya) a seat 23 an inchuh dawn a ni. Tun dinmunah hian IIMC hian centre pali(4) nei mekin kumin hian centre pahnih Kottyam leh Jammu-ah hawn belh a ni dawn.

Written exam-a tlingte hi IIMC, New Delhi-ah Group Discussion (GD) leh Personal Interview hmachhawn tura koh an ni ang a. Centre allotment chu merit basis a tih a ni dawn a. Class hi August, 2012 hian tan a ni ang.

IIMC hi Ministry of Information and Broadcasting hnuaiah mahni inrelbawl hrana awm a ni a. Khawvel pum huap pawh a mass communication lama training leh research centre hriat hlawh tak a ni. Nikum khan IIMC hian Amravati leh Aizawl-ah centre thar a hawng a. Aizawl centre-ah hian English Journalism zirlai 7 awmin tunah hian Media Industry lian tak tak Deccan Chronicle, Hindustan times, Seven Sisters Post leh Doordarshan Kendra-ah te internship an bei mek a ni.