Vawiin ni khan Mizoram Police huaihawtin “Awareness on Cyber Crime, Traffic Rules and Human Trafficking for School Children” Vana Pa Hall ah neih a ni.

He programme hi School naupang tana buatsaih a ni a. Pu LH.Shanliana, IPS, IGP(Law & Order) Mizoram in kaihruai in, he programme ah hian Higher Secondary School 11(Sawm pakhat) atangin school naupang 650 chuang an tel a ni. Pu SBK Singh, IPS, DGP Mizoram chu Chief Guest niin, awareness chung chang sawi hawnna hun a hman zawhin, Pu Zosangliana, MPS, AIG-I, Inspector Laltanpuia, O/C Traffic, Aizawl leh Inspector Lalhmachhuani Sailo, CID(Crime) te hnen atangin Cyber Crime leh Traffic Rules leh Human Trafficking chungchang ngaihthlak a ni. Thu sawi zawhah hian sawihona neih zel a ni bawk.

Pu Lalhuliana Fanai, DIG(NR)DIG(Armed) chuan lawmthu sawina hun a hmang bawk a ni.