Tukin zing khan MZP Hqrs. Mamit huaihawtin , Mamit khawpui chhunga zirlai naupangte chuan Teachers' Day lawmna pualin, Zirtirtute Chawimawina Kawngzawh an nei, zing dar 6:30 ah Mamit charkawn atangin kawng hi zawh tan a ni a, Siamliana Hall kawtah inkhawm tawi neih niin hetah hian Pu H. Lianzela Addl. DC Mamit chuan, zirlaite leh zirtirtute kalkhawm hmaah thusawina nei a, kawngzawh flag off na hun a nei bawk.

Zing dar 7:30 ah kawngzawh hun tawp Tennis Court Mamit Field Veng-ah neih niin He hun hi Tv Lalropuia President chuan kaihruai a, He hunah hian District Bawrhsap Pi Lalbiaksangi chuan Khuallian niin hmanpui a, thutawi sawina neiin Mamit District chhunga zirtirtute zawng zawng duhsakna hlan a, zirtirtu zawng zawngte aiawhin Pi R. Lalnunthari DEO Mamit hnenah Teachers' Day lawmna leh duhsakna Pangpar a hlan bawk a ni. Pi R Lalnunthari, DEO Mamit chuan Mizoram Education Minister Teachers' Day thuchah chhiarna hun a hmang a bawk. Zirtirtute Chawimawina Kawngzawhah hian, MZP Hqrs. Mamit Pipe Band ten hma hruaiin hla chi hrang hrang nalh takin an play bawk a ni.

Vawiin Teachers’ Day lawmna hi Mamit khaw chhunga School hrang hrangte chuan an mahni remchan dan ang angin mahni School theuhvah ah an hmang hlawm a ni.