3986/2024-2025
Champhai, 26th January 2025: India ramin mahni puala duan ram danpui a neih hriatrengna leh lawmna ni Republic Day vawi 76-na chu ramchhung hmun dang te rualin vawiin khan Chhangphut Field-ah ropui taka lawm a ni a. Champhai Bawrhsap Pu VL Remliana chuan khuallian niin a hmanpui a, hnam puanzar pawt pharhin Parade Contingent-te chibai bukna a chhang let a ni.
Khuallian Pu VL Remliana chuan Champhai District mipuite chu Republic Day vawi-76na pualin duhsakna chibai a buk a. India ram danpui thuhmahruaiah ‘Keini, mipuite’ tih a chuan thu sawiin, hei hian khua leh tui ten thuneihna sang ber an nei tih a entir a ni, a ti. Bawrhsap hian, “He danpui hian mi tinte chu zalenna, dikna leh intluktlanna min pe a, nun nuam taka kan khawsak theihna turte min ruahman sakin, thlamuang leh hahdam taka kan khawsak tlan dial dial theihna tur kawng pawh min kawhhmuh bawk a ni,” a ti bawk.
Champhai Bawrhsap chuan Champhai District chu District nuam leh mawi, sik leh sa nuam tak anih avangin ram chhung leh ram pawn khualzin a hip thu sawiin, District hmasawn ber pawl ni tur chuan a chhunga chengte an pawimawh tih a sawi a. Champhai mipuite chu faina, thianghlimna, mizo hnam nun ze mawi chhawm nun kawngah leh intodelhna kawngah ṭan la thar turin a sawm a, Champhai District chhunga Department hrang hrang hnathawh te hetiang hian a sawi chhunzawm a ni:
dipr.mizoram.gov.in/post/republic-day-2025-champhai-a-pu-vl-remliana-deputy-commissioner-thusawi
Republic Day 2025 lawmnaah hian Parade Contingent 18 - Unarmed 5 , Armed 1 leh School Contingent 12 bakah Band Party 1 an awm a. Parade Commander chu SI Roduhzuala, Champhai DEF niin, Asst Commander hi SI Zirthanmawia, Champhai DEF a ni. Parade Contingent lawmman dawngtute chu-
Unarmed Contingent
1. NCC, Govt GM High School Boys & Girls Contingent
2. Rangers & Rovers, Govt GM High School
3. NCC, Govt GM HSS
School Contingent
1. Eastern Flower Academy
2. Govt. Roseland School
3. Holy Cross School
Hei bakah hian Special Prize hi 42nd Assam Rifles,Ex-Service League, Champhai, Govt. GM HS Samagra Shiksha Pipe Band; te an ni.
Hei bakah hian Mizorama Republic Day lawmna pui ber Aizawl Sipai Lammuala neihah Champhai DEF a mi pahnih - SI Liansangpuii leh ASI Lalbiaknunga te chuan Governor’s Gold Medal leh Governor’s Silver Medal an dawng bawk a ni.
