No.3211/2021-2022

Aizawl Dated the 30th November 2021 : Vawiin chawhma khan Kolasib DC Conference Hall-ah Ni 1.12.2021 leh 31.12.2021 inkar a Kolasib District chhunga COVID-19 dona kalpui dan tur chungchangah Meeting neih a ni a. He hun hi Kolasib DC Dr. H. Lalthlangliana chuan kaihruaiin Pu Vanlalfaka Ralte, Superintendent of Police (SP), Dr. Lalhlimpuia, Chief Medical Officer (CMO) leh thutharlakhawmtute bakah khawtlang leh kohhran aiawhin Joint VC, YMA leh MKHC hruaitute he Meeting-ah hian an tel a ni.

Dr. H. Lalthlangliana chuan Kolasib District a COVID-19 hrileng dinhmun chuan ziaawm lam a pan zel thu a sawi a. Hmun thenkhat Containment Zone-a puan mek ah pawh hri kai zatin hniam lam a pan zel thu tarlangin, Covid hrileng kar a mipuite thawhhona leh thawktute inpekna chu fakawm a tih thu a sawi. Vawiin thutkhawmnaah hian Kolasib District-a Covid-19 inkaihhruaina sawihona neih a ni a. Mithi vuina, khawhar lenna leh lungphunna a zai chungchangah mitthi lawina kohhran leh an awmna branch YMA-te’n tha an tih angin an kalpui theih tawh dawn a ni.

Meeting-ah hian Krismas leh kumthar boruak vuakveta Kolasib khawchhunga venhimna hna kalpui dan turte sawihona neih a ni a. Vantlang mipui tana him lo leh harsatna thlen thei ruihhlo, halpuah leh lirthei tlanchak leh ri ring lutuk khuahkhirh nan Duty ruat dan turte sawiho a ni a. DC chuan Krismas leh Kum thar lawmna hun chu boruak muanawm leh him tak hnuai ah fimkhur tak chunga hun hlimawm tak hmang turin Kolasib mipuite duhsakna a hlan a ni.

Ni 01.12.2021 leh 31.12.2021 Inkara Kolasib District Chhunga Covid-19 Dona kalpui dan tur inkhuahkhirhna thupek :

drive.google.com/drive/u/0/folders/1KEyCYICf7T5bB92E5azjBjmMxR_ZXu4D
dipr.mizoram.gov.in/post/ni-01122021-leh-31122021-inkara-kolasib-district-chhunga-covid-19-dona-kal-pui-dan-tur-inkhuahkhirhna-thupek