2011/2023-2024

Aizawl, the 26th September 2023 : Inspector General Assam Rifles (East) kaihhruaina hnuaiah Assam Rifles vawiin khan Circular Lawn, Raj Bhavan-ah investiture ceremony buatsaih a ni a. He inkhawmah hian Governor Dr Hari Babu Kambhampati chuan Jawan 23 hnathawk tha thlanchhuah te hnenah chawimawina Governor’s Gold leh Silver Medals a hlan.

Governor Dr Hari Babu Kambhampati chuan ram venhimna kawngah Assam Rifles ten Mizoram ramri hrulah hna pawimawh tak an thawk tih a sawi a. Assam Rifles te thawhhrimna leh state sawrkar hnathawkte an thawpui that avaning ralthuam, ruihlo leh dan lova bungraw tawlh tam tak man a ni tawh a ni a ti. Governor chuan vawiianh Assam Rifles zingah sipai chhuanawm tak tak heti zat chawimawi tur an awm chu lawmawm a a tih thu a sawi. Assam Rifles officer te leh sipai zawng zawng te chu state sawrkar hnuaia dan leh thupek kengkawhtute tha taka thawhpui chhunzawm a, Mizoram himna leh muanna atana an theihtawp chhuah chhunzawm zel turin a fuih a ni. Governor chuan Mizoram in kan hma lawkah inthlan kan hmachhawn dawn avangin Assam Rifles te chu an duty na hmunah fimkhur leh zual turin a chah nghal bawk.

Governor thusawi kimchang: : dipr.mizoram.gov.in/post/speech-of-dr-hari-babu-kambhampati-honble-governor-of-mizoram-on-the-occasion-of-governors-gold-and-silver-medals-to-assam-rifles-at-circular-lawn-raj-bhavan-on-26th-september-2023

AR Investiture Ceremony-ah hian Dr Renu Sharma, Chief Secretary, Mizoram Police, Pu Anil Shukla, DGP, Mizoram Police, Major General Vinod Kumar Nambiar, YSM, SM, Inspector General Assam Rifles (East) leh Brigadier Girish Upadhya, SM, VSM, DIG, 23 Sector Assam Rifles bakah  Assam Rifles Officer te leh sawmbik te an tel a ni.