3523/2023-2024

Saitual the 26th January, 2024 : Vawiin zing dar 7 khan khan Saitual Keifang Centenary Ground ah India Republic Day ropui tak a lawm a ni.

He Republic Day lawmna a hnam puanzar pawtparhtu Dr Lalngura Tlau, Saitual DC chuan Republic Day lawm tura kalkhawmte chibai bukna neiin India Republic Day vawi 75 na hmang theia an awm chu a lawmawm a tih thu sawiin, Republic Day kan neih theih nana thawktu, India danpui duangtute chu kan hriat reng a pawimawh thu a sawi.

Dr Lalngura Tlau chuan India Danpui bul lo tan chhoh dan sawiin, Govt of India Act 1935 hmangin in India ram rorelna chu kalpui thin a ni a, chumi hnu reilo te ah Drafting committtee te dinin January ni 26 1950 ah India danpui chu hman tan(adopt) a lo ni ta a ni, a ti. India Constitution danglam bikna pawh sawiin Khawvel a Constitution sei ber a ni a, duan anih tan tirh in Article 395, Part 22 leh Schedule 8 awmin vawi engemaw zah amendment neih a nih tawh thu a sawi. Parliamentary democracy ropui zia pawh tarlang nghal in mitin chu kan aiawhte kaltlang in ram rorelna ah kan tel vek a ni, a ti. Hei vang hian an vote hlu tak te ngai pawimawh turin mipuite chu a chah bawk.

Saitual District chu naupang te nimahse District thang duang tak a nih thu a sawi a. Nikum chhung ringawt ah Department panga vel neih belh in kum lo kal chho turah pawh Department la awm lo te an awm belh zel a beisei thu a sawi. Achievement report chu field a chhiar chhuah atan a sei tham deuh avangin I&PR website a en theih turin a awm thu a sawi bawk.

ACHIVEMENT REPORT FOR THE YEAR 2023 Mizo.docx

Compiled (1).docx

Vawiin a Republic Day lawmna hi zing Dar 7 ah Keifang Centenary Ground ah neih a ni a, parade Contingent 14 ten march past neiin hnam puanzar chibai bukna an hmang a ni. Contingent ti tha zualte hnenah Lawmman semna pawh neih nghal niin, chungte chu:

Pakhatna : Presyterian English School Keifang
Pahnihna : Govt Middle School II Keifang
Pathumna: Oxford English School, Saitual te anni.

Hemi bakah hian Achievement Award hlanna pawh neih nghal niin Pu C Lalruatkima, Best Achiever Award, National Award dawngtu hnenah hlan a ni.

Vawiin a Keifang Centenary Ground a Republic Day lawmna ahhian Saitual a Sawrkar Department zawng zawng a thawktu te, School zirtirtute, Khawtlang hruaitute leh mipui thahnem tawk tak an tel a ni.