3984/2024-2025

Siaha the 26th January 2025 : India ram Danpui hman tanna Ni, Republic Day vawi 76na lawmna chu tukin zing dar 7:30 khan SDFA Ground, Meisatla, Siaha-ah ropui taka hman a ni a, Khuallian District Bawrhsap Pu VL Hruaizela Khiangte chuan hnam puanzar pawtpharhin parade contingent-te chibai a chhanglet.

Pu VL Hruaizela Khiangte chuan Republic Day vawi 76 lawmnaa an hun hlu tak senga kalkhawmte leh Siaha District mipui zawng zawngte zahna leh duhsakna chibai a bûk. India in Kum 1950, vawiin angah khawvela mipui sawrkar ram lian berte zinga chhiar tel turin Danpui a lo neih thu a tarlang a, chu Danpui chuan mi tinte zalênna, dikna leh intluktlànna a pek bakah India khua leh tui nihna anga tihtur leh mawhphurhnate pawh siamin, Danpui (Constitution) zawm, Hnam puan zar (Flag) leh hla (Anthem) zahna lantir te a tel, a ti. Siaha District chu Mizorama District sawm leh pakhat zinga District upa berte zinga mi niin population erawh a la tlem hle a, sawrkar atanga District hmasawnna tura sum lut te pawh population tam zawkna district-te nena khaikhin chuan a tlem zawk thin thu a tarlang a, Amaherawhchu, sawrkar kut-ke inbun hmasakna hmun a nih angin hmasawnna hrang hrang pawhin a thleng hmasa a; hriatna leh thiamna kawngah pawh rualpâwl tawk tak a ni tiin District chhunga sawrkarin hmasawnna hna hrang hrang a thawhte tarlanna a nei bawk.

District Bawrhsap Pu VL Hruaizela Khiangte chuan kalkhawmte chu ram leh hnam tan an theihna leh thiamnate hlan zel tur leh midangte tan malsawmna nih tum theuh turin a ngen a, India khua leh tui tha ni chhunzawm zel turin a chah. Kum 2025 ah department kaltlanga sawrkar hmalaknate chu hlawhtling zel se, Siaha District tan hmasawnna kum ni ngei se a duh thu a sawi bawk a ni.

Republic Day vawi 76na lawmnaah hian parade contingents 20 an tel a, school contingents 14, unarmed contingents 3, armed contingents 2 leh Govt High School Pipe Band- te an ni. Inspector H Lalramnghaka, Company Commander chu parade commander niin SI Zoramthanga, 3rd IR Btn, Siaha chu 2nd commander a ni.

Republic Day pual hian lawmman chi hrang hrang siam a ni a, lawmman dawngtute chu:

School Parade contingents:

1) Blue Bells School

2) Springfield English School

3) Hil Gate School

Unarmed Contingents :

NCC, Don Bosco School

Siaha khawpui chhunga veng fai intihsiakna (Cleanliness Competition)

1) First Prize- New Siaha E-1

2) Second prize: New Colony V

3) Third Prize: Meisatla -1

Republic Day puala buatsaih Volleyball leh Badminton tournament-a lawmman semna neih nghal niin Volleyball a lawmman dawngtute chu:

Women Champion: Thiahria Volley Ball Club

Runner Up: Model United Volley Ball Club (MUVC)

Men Champion: Sibut,Tipa Volley Ball Club

Runner up: Eastern Volley Ball Club, New Siaha

Badminton tournament:

A) 50+ Men’s Double

Champion: L Mahu & J Sanglura

Runner up : CVL Nghinga & KT Vabeikhokhei

B) 35+ Men’s Double

Champion: Dr Jerry B Lalremtluanga & Anthony Lalremruata

Runner up: HC Vabeichono & K Lalrothara

C) 40+ Men’s Double

Champion: Vabeichono & Elkan T Lalroa

Runner up: Gospel Chozah & T Beingachhi Vytuchho

D) Men’s Double

Champion: H Lalremruata & Malabia Hlychho

Runner up: B Lalmuanpuia & Solomon Lalmalsawma te an ni.

Beti Bachao Beti Padhao, ICDS Siaha atangin Certificate of appreciation 2025 in recognition of exceptional Contribution : S Lalnuntluangi, woman Constable. BBBP, ICDS atang tho hian HSSLC leh HSLC, 2022-23 a titha zualte hnenah lawmman semna  neih a ni bawk a ni.

SDFA ground-a ceremonial function hman zawh hian chhun Dar 12 ah sawm bik te nen circuit House-ah thingpui in hona (At-home) neih nghal a ni ang.

Khuallian thusawi chhiar duh tan a hnuai link-ah hian tarlan a ni.

DIRECTORATE OF INFORMATION & PUBLIC RELATIONS, Government of Mizoram, India