3492/2023-2024

Aizawl the 25th January 2024: Vawiin hian India ram pum huapin National Voters’ Day 2023 hman a ni a. Mizoramah chuan chuan state level leh district level anga hmun hrang hrana hman a ni. National Voters’ Day 2024 puala state level-a lawmna programme hi Assembly Secretariat Conference Hall-ah neih a ni a. He hun hi Governor Dr Hari Babu Kambhampati chuan khuallian niin a hmanpui a. Governor hian national Voters’ day puala thuchah a sawi bakah High School leh Higher Secondary School zirlaite zinga NVD Competition on essay & painting-a lawmman dawngtute hnenah lawmman a hlan a. BLO hnathawk tha zual te hnenah BLO Award a hlan nghal bawk.

Thuhmahruaiah Governor chuan Election Commission of India (ECI hna thawh that te a sawi hmasa a. ECI hian a hnathawh that avangin India ram chu democracy ram hlawhtling, democracy ram dang te tan pawha awhawmah a siam mek a ti. Ram changkang te pawhin an kalpui ngam loh EVM hman a nih theihna tura harsatna hrang hrang paltlangin ECI- chuan tunah hian India ram chu inthlanpui thianghlim leh langtlang, hlawhtling taka kalpuina hmunah a siam mek tih a sawi a. Governor chuan Mizoramin inthlanpui a lo hmachhawn thin dan chu chhuanawm a tih thu sawiin he hlawhtlinna ropui tak a lo awm theih nan hian Zoram mipui te, khawtlang hruaitute, kohhran leh NGO ang ten State Election Office that akin an thlawp thin a ni a ti.

National Voters’ Day program-ah hian Governor chuan inthlan laia duty zinga nunna chan ta te - Pu Z.Lalmuanzuala, 4th IR Battalion, Pu Lalfakawma, 2nd IR Battalion, Pu C.Zonunsanga, Aadhar Operator, DC Office, Serchhip leh Pu Rajpal Singh, 156 Bn CRPF te a ui thu sawiin, an inpekna hlu tak chu chhuanawm a tih thu a sawi.

Governor chuan inthlan kan hmachhawn leh turah Zoram mipui te chu phur taka vote thlak tura sawmin kan aiawha roreltu tur thlan kawnga kan mawhphurhna pawimawh zia te hre thar leh vek turin min chah nghal a ni a ni.

Governor thusawi kimchang: dipr.mizoram.gov.in/post/address-of-dr-hari-babu-kambhampati-honble-governor-of-mizoram-on-the-occasion-of-national-voters-day-at-assembly-conference-hall-on-25th-january-2024

Programme hi Pi Nazuk Kumar, District Election Officer, Aizawl District-in inlawm thu sawiin bul tan a ni a, hemi hnu hian Pu Rajiv Kumar, Chief Election Commissioner of India thuchah thlirho a ni. Pu Madhup Vyas, CEO of Mizoram chuan  State Election Office, Mizoram aiawhin thu a sawi a lawmman semna hun in a chhunzawm a. Pu H. Lianzela, Addl.CEO, Mizoram-in lawmthu sawiin program hi a khar a ni.

National Voters Day 2023, Best BLO's.pdf

RESULT OF ESSAY.pdf